विठ्ठल भक्तांसाठी एसटी सज्ज, आषाढी एकादशीसाठी एसटीच्या 3724 बस धावणार

एसटी बसच्या स्वच्छ, आकर्षक आणि सुस्थितीत सज्ज ठेवल्या जाणार आहेत. यामध्ये नव्या माईल्ड स्टीलच्या तब्बल 1200 गाड्य असतील अशी माहिती परिवहन मंत्री दिवाकर रावते यांनी दिली आहे. 10 ते 16 जुलै दरम्यान एसटी अहोरात्र भाविकांना सेवा देणार आहे. यासाठी 5 हजार वाहक, चालक, अधिकारी आणि इतर कर्मचारी सेवेसाठी सज्ज ठेवले जाणार आहेत.

पंढरपूर यात्रेसाठी औरंगाबादमध्ये 1097, मुंबई 212, नागपूर 110,पुणे 1080, नाशिक 692, अमरावतीमध्ये 533 जादा गाड्या चालवल्या जाणार आहेत. पंढरपूरात या काळात 3 तात्पुरती बस स्थानकं देखील उभरण्यात येणार आहेत.

परतीच्या प्रवाशाची तिकिट बुकिंग

वारकरी दिंडीच्या माध्यमातून चालत पंढरपुरात पोहचतात मात्र परतीच्या वेळेस वाहतुकीसाठी मोठी गर्दी होते. त्यामुळे 10% तिकिटांचं बुकिंग आगाऊ स्वरूपात मंडळाच्या ऑनलाईन बुकिंग वेबसाईटवर खुलं करण्यात आले आहे.