पश्चिम रेल्वे मार्गावर आज 18 मे ला तर मध्य आणि हार्बर मार्गावर उद्या रविवारी 19 मे ला ब्लॉक घेण्यात आला आहे. त्यामुळे ब्लॉक काळात प्रवाशांनी रेल्वेचे वेळापत्रक पाहूनच बाहेर पडावे. दरम्यान, या ब्लॉकच्या काळात रेल्वे विविध तांत्रिक कामे करून घेणार आहेत.
पश्चिम रेल्वे
बोरिवली ते भाईंदर दरम्यान दोन्ही जलद मार्गावर ब्लॉक घेण्यात आला आहे.
वेळ – अप जलद मार्गावर आज रात्री ११.३० ते पहाटे ३.३०
डाऊन जलद मार्गावर मध्य रात्री १२.३० ते पहाटे ४.३० वाजेपर्यंत
वाहतुकीत बदल –
- या ब्लॉकमुळे लोकल गाडींच्या वेळापत्रकावर कुठलाही परिणाम होणार नाही.
मध्य रेल्वे
मुलुंड ते माटुंगा अप जलद मार्गावर ब्लॉक
वेळ- सकाळी ११.१५ ते दुपारी ३.१५ वाजेपर्यंत
वाहतुकीत बदल –
- सीएसएमटीच्या दिशेने जाणाऱ्या जलद लोकल दिवा ते परळ दरम्यान धिम्या मार्गावर वळवण्यात येणार आहेत.
- कल्याणच्या दिशेने जाणाऱ्या जलद आणि अर्ध जलद लोकल गाड्यांना घाटकोपर, विक्रोळी, भांडुप, मुलुंड, दिवा स्थानकात थांबा दिला जाणार आहे.
- रत्नागिरी ते दादर पॅसेंजर्स गाडी दिवा स्थानकापर्यंतच धावेल. तर दिवा स्थानकातूनच रत्नागिरीसाठी गाडी सोडण्यात येणार आहे. त्यामुळे प्रवाशांची गैरसोय होऊ नये यासाठी दादर स्थानकातून दुपारी ३.४० वाजता विशेष लोकल सोडण्यात येईल आहे.
मध्य रेल्वे
कल्याण ते कसारा मार्गावर ब्लॉक
वेळ- अप व डाऊन मार्गावर सकाळी ११.१५ ते दुपारी २.४५ वाजेपर्यंत ब्लॉक
वाहतुकीत बदल –
- कल्याण ते कसारा दरम्यान अप व डाऊन मार्गावरील गाड्या रद्द करण्यात आल्या आहेत.
- सकाळी ९.१२ वाजताची टिटवाळा, स. ८.३३ ची कसारा, दु. ३.३० वा आसनगाव, स.१०.३७, स.१०, ८.१८, दुपारी २.४४ आणि दुपारी ३.३५ वाजताची सीएसएमटी लोकल रद्द राहतील.
हार्बर मार्ग
सीएसएमटी ते चुनाभट्टी, वांद्रे टर्मिनस दोन्ही मार्गावर ब्लॉक.
वेळ- अप मार्गावर सकाळी ११.१० ते दुपारी ३.४० वाजेपर्यंत
डाऊन मार्गावर सकाळी ११.४० ते दुपारी ४.१० वाजेपर्यंत
वाहतुकीत बदल-
- सीएसएमटी, वडाळा स्थानक ते वाशी, बेलापूर, पनवेल आणि वांद्रे, गोरेगाव दरम्यानच्या दोन्ही मार्गावरील लोकल गाडय़ा रद्द करण्यात आल्यात.
सोमवारी चार तासांचा ब्लॉक
20 मे ला नेरळ ते माथेरान मार्गावर ब्लॉक
वेळ- अनिश्चित काळापर्यंत दररोज सकाळी ९.४५ ते दुपारी १.४५ वाजेपर्यंत ब्लॉक
वाहतुकीत बदल-
- नेरुळहून सुटणारी सकाळी ८.५० वाजताची आणि माथेरानहून सकाळी ९.२० वाजता सुटणारी ट्रेन रद्द करण्यात आल्या आहेत.
