‘रंपाट’ प्रेक्षकांच्या आशेवर पाणी

‘रंपाट’ चित्रपटाची कथा

‘रंपाट’ चित्रपटाची कथा महाराष्ट्रातील सोलापूर आणि कोल्हापूर येथील मिथून (अभिनय बेर्डे) आणि विजया ऊर्फ मुन्नी (काश्मिरा परदेशी) यांच्या भोवती फिरणारी आहे. हे दोघेही सिनेमाच्या चंदेरी दुनियेत आपल्याला जाता यावे यासाठी जीवापाड प्रयत्न करत असतात. स्वप्ननगरी मुंबईत जाण्याची संधीची वाट ते पाहत असतात. मिथूनची आई म्हणजेच काळूबाई (प्रिया बेर्डे) मिथून पोटतात असतानाच तिचा नवरा गळफास लावून आत्महत्या करतो. त्यावेळी काळूबाई सिनेमा बघून जगायला शिकते आणि आपल्या मुलाला अभिनेता बनवण्याच ठरवते. तसेच दुसरीकडे कोल्हापूरची मून्नीचे वडिल तिला पेलवान बनवायचे स्वप्न बघत असतात. मात्र, मून्नीला अभिनेत्री बनायचे असते. त्यामुळे सोलापूरचा मिथून आणि कोल्हापूरची मुन्नी या सिनेविश्वात येण्यासाठी मुंबईत धाव घेतात. आपल्या पालकांना सुख, शांती, समाधान मिळवून देण्यासाठी झटपट यश मिळवण्यासाठी ते दोघेही झटतात. त्यात त्यांना सिनेविश्वात काम मिळवण्यासाठी येणाऱ्या असंख्य अडचणींना सामोरे जावे लागते. मात्र, यासगळ्या अडचणींनंतर त्यांना साथ मिळेते ती फटाफटची (कुशल बद्रिके). फटाफटची साथ, मिथुन आणि मुन्नीचे स्ट्रगल, त्यांच्यासमोर येणाऱ्या असंख्य अडचणी ह्यांच्यातून वाट काढत काढत यशाच्या मार्गावर कसे पोहचतात? आपल्या पालकांच्या आशा पूर्ण करू शकतात का? ह्या प्रश्नांची उत्तरे तुम्हांला सिनेमा पाहिल्यावरच मिळेल.

चित्रपट का पाहावा?

‘रंपाट’ चित्रपट मनोरंजन, सोमान्स, संगीतने ठसठसून भरलेला आहे. या मराठी चित्रपटाचे आर्कषण ठरलेल “रंपाट लाय रंपाट बिनधास्त हि मराठी पोर ही रंपाट” हे आहे. तसेच ‘रंपाट’मध्ये प्रथमच मायलेकाचे म्हणजेच प्रिया बेर्डे आणि अभिनय बेर्डे या जोडीचा अभिनय पाहायला मिळेल. तसेच ‘रंपाट’ चित्रपटातील संवाद प्रेक्षकांना खेळवून ठेवणारे आहे. चित्रपटाची कथा दमदार नसली तरी One Time Movie बघू शकतो असा ‘रंपाट’ चित्रपट आहे.

रेटींग : ⭐⭐⭐ ( 3/5 )