टी २० विश्वचषकात दमदार कामगिरी करणाऱ्या भारताच्या युवा धडाकेबाज फलंदाज शफाली वर्मा हिने जागतिक टी २० फलंदाजांच्या क्रमवारीत अव्वल स्थान पटकावले. ICC ने महिला टी २० क्रिकेटपटूंची ताजी यादी जाहीर केली. यात शफाली तब्बल १९ स्थानांची झेप घेत पहिल्या स्थानी विराजमान झाली आहे.
Shafali Verma has risen a remarkable 19 places to claim the top spot among batters.
She's just 18 T20I matches and 16 years old 🤯@MRFWorldwide | #ICCRankings pic.twitter.com/CfTYSnaNIc
— ICC (@ICC) March 4, 2020
न्यूझीलंडची अनुभवी खेळाडू सुझी बेट्स हिला शफालीने मागे टाकले. सुझी बेट्स हिची एका स्थानाने घसरण होऊन ती दुसऱ्या स्थानी घसरली आहे. सुझीचे ७५० गुणांक आहेत, तर शफाली ७६१ गुणांकासह अव्वल आहे. ऑक्टोबर २०१८ पासून सुझी अव्वल स्थानी होती. अखेर १७ महिन्यांनी तिला दुसऱ्या स्थानी ढकलत शफालीने अव्वल स्थान पटकावले.
शफालीचा विक्रम
शफालीने भारताला दमदार कामगिरी करून देत जागतिक क्रमवारीत अव्वल स्थान पटकावले. यासह महिला आणि पुरूष अशा दोन्ही क्रिकेटमध्ये मिळून टी २० जागतिक क्रमवारीत अव्वल स्थान पटकावणारी शफाली सर्वात तरूण भारतीय क्रिकेटपटू ठरली. याशिवाय भारतीय संघाची माजी कर्णधार मिताली राज हिच्यानंतर टी २० क्रिकेटमध्ये जागतिक क्रमवारीत अव्वल स्थान मिळवणारी ती दुसरी महिला क्रिकेटपटू ठरली.
