Ads
बातम्या

निर्भयाच्या आरोपींना फासावर लटकवणार; तारीख झाली जाहीर

Delhi court issues death warrant for all 4 Nirbhaya rapists
डेस्क desk team

अखेर दिल्लीच्या निर्भया बलात्कार प्रकरणातील आरोपींच्यो फाशीच वॉरंट जारी करण्यात आले आहे. दोषींना 3 मार्चला फासावर लटकवलं जाणार आहे. या प्रकरणातील आरोपी चारही नराधमांना 3 मार्चला सकाळी 6 वाजता फाशी दिली जाणार आहे. दिल्लीच्या पटियाला हाऊस कोर्टाने फाशी संदर्भातले नवे डेथ वॉरट जारी केले आहे. मुकेश कुमार सिंह (32), पवन गुप्ता (25), विनय कुमार शर्मा (26) आणि अक्षय कुमार (31) या दोषींची अखेर फाशी देण्यात येणार आहे. गेल्या अनेक वर्षांपासून निर्भयाच्या पालकांसह संपुर्ण देशवासीय या नराधमांना फाशी कधी होईल त्याची प्रतिक्षा करत होते.

 

निर्भयाच्या आई- वडिलांची याचिका

या आरोपींच्या फाशीच्या शिक्षेच वॉरंट लवकरात लवकर काढण्यात याव यासाठी निर्भयाच्या आई वडिलांनी 11 फेब्रुवारीला कोर्टात याचिका दाखल केली होती. याआधी दोनदा दिल्लीच्या पटियाला हाऊस कोर्टाने फाशीचे वॉरंट जारी केले होते. या आधी 22 जानेवारीला आरोपींना फाशी देण्यात येणार होती, त्यासाठीचे वॉरंट देखील जारी करण्यात आले होते. मात्र आरोपी विनय शर्माने राष्ट्रपतींकडे दयेचा अर्ज केला होता. मात्र तो फेटाळण्यात आला. निर्भयाच्या दोषींना 1 फेब्रुवारी रोजी फाशी देण्यात येणार होती. मात्र फाशीच हे दुसर डेथ वॉरंट देखील पुढे ढकलण्यात आले आहे.

आरोपी विनम शर्माची मानसिक स्थिती ही ठीक नसल्याचे कारण देत सुप्रिम कोर्टात याचिका केली होती. मात्र सुप्रीम कोर्टाने ती फेटाळून लावत विनय शर्मा हा मानसिक दृष्ट्या सक्षम असल्याचं सुप्रीम कोर्टाने म्हटलं तसंच तो शारीरिकदृष्ट्याही सुदृढ आहे असंही कोर्टाने म्हटलं. न्यायासाठी गेल्या सात वर्षांपासून न्यायालयाचे खेटे घालत असून, आरोपींना लवकरात लवकर शिक्षा देण्यात यावी अशी मागणी करताना मागच्या आठवड्यात निर्भयाच्या आईला कोर्टात अश्रु अनावर झाले होते. त्यानंतर आता अखेर नवे डेथ वॉरंट जारी करण्यात आले असून, आरोपींना 3 मार्चला सकाळी 6 वाजता फाशी देण्यात येणार आहे.

About the author

desk team

www. batamidar.com हे स्वतंत्र पत्रकारितेचा पुरस्कार करते. सध्या माध्यमांची दशा आणि दिशा पाहता पत्रकारितेच्या सापेक्ष आणि पारदर्शक मुल्यांवर आम्ही काम करत आहोत. batamidar.com समाजातील दुर्लक्षित , पिडीत ,उपेक्षित घटकांसाठी व्यासपीठ देण्यासाठी प्रयत्न करत आहे. आजच्या Online च्या युगात, वाढते तंत्रज्ञान आणि पत्रकारिता यांची सांगड घालत बातमीदारीचे नवे आयाम तयार करून बातम्यांची फेरमांडणी म्हणजे बातमीदार...

Leave a Comment

Message Us on WhatsApp
%d bloggers like this: