देशभरातील तरुणांपासून ते वयोवृद्धांपर्यंत सर्वांनाच व्हिडीओद्वारे वेड लावण्याऱ्या टीकटॉक या मोबाईल अ‌ॅपवर आता एक व्हिडीओ चांगलाच व्हायरल झाला आहे. नववारी साडीतील एका तरुणीचा हा टीकटॉक व्हिडीओ लाखो लोकांच्या व्हॉट्स अ‌ॅपच्या स्टेटसवर धुमाकूळ घालत आहे.
#ViralVideos pic.twitter.com/QrrdJiq8iR
— Akshay Shitole (@AkshayShitole21) February 13, 2020
काय आहेत व्हिडीओत?
या व्हिडीओमध्ये नववारी नेसलेली तरुणी पारंपारिक अलंकार परिधान करुन रस्त्याने चालत जाताना दिसत आहे. तिच्या समोर येऊन अनेकजण मुजरा करताना, दर्शन घेताना दाखवण्यात आले आहेत.
पहिल्या काही सेकंदात जिजाऊच्या लेकीला मुजरा घालत असल्याचं जाणवत. मात्र काही सेकंदानंतर कॅमेरा पुढच्या बाजूने दाखवताच त्या तरुणीच्या हातात छत्रपती शिवाजी महाराजांची मूर्ती असते. शिवरायांच्या मूर्तीला पाहून सर्वजण नतमस्तक होत असल्याचं दाखवण्यात आलं आहे.19 फेब्रुवारी रोजी साजरी केली जाणारी शिवजयंती हे या व्हिडीओ व्हायरल होण्यामागचं खास कारण आहे. शिवप्रेमींचा या व्हिडीओवर लाईक्सचा वर्षाव होत आहे.
