दरवेळी प्रमाणे या रविवारीही रेल्वे प्रशासनाकडून रेल्वे संबंधितील दुरूस्तीची कामे करण्यासाठी मेगाब्लॉक जाहीर केला आहे. हा ब्लॉक मध्य, पश्चिम आणि हर्बर रेल्वेच्या तिन्ही मार्गावर असणार आहे. घोषित केलेल्या ब्लॉक दरम्यान लोकल सेवा सुमारे 20 मिनिटे उशीराने धावणार आहे.
मध्य रेल्वे
मध्ये रेल्वेवर मुलुंड ते माटुंगा स्थानकादरम्यान सकाळी 11.30 ते दुपारी 4 वाजेपर्यंत अप धीम्या मार्गावर ब्लॉक असणार आहे.
परिणाम
- मुलुंड ते माटुंगा ब्लॉक दरम्यान सर्व अप धीम्या लोकल अप जलद मार्गावर चालविण्यात येतील.
- या ब्लॉकमुळे मेल/एक्सप्रेस आणि लोकल गाड्या सुमारे 20 मिनिटे विलंबाने धावतील.
हर्बर रेल्वे
हर्बर रेल्वेच्या पनवेल ते वाशी स्थानकादरम्यान सकाळी 11.30 ते दुपारी 4 वाजेपर्यंत अप आणि डाऊन मार्गावर ब्लॉक असणार आहे.
परिणाम
- ब्लॉकमुळे बेलापूर/पनवेल-सीएसएमटी-बेलापूर/पनवेल या अप-डाऊन मार्गावरील लोकल बंद राहतील.
- पनवेल-अंधेरी आणि ट्रान्स हार्बरवरील ठाणे-पनवेल-ठाणे आणि नेरुळ-खारकोपर लोकल सेवा बंद ठेवण्यात येतील.
- प्रवाशांच्या सोयीसाठी सीएसएमटी-वाशी आणि ट्रान्स हार्बरवरून ठाणे-नेरुळ या मार्गावरून विशेष लोकल चालवण्यात येतील.
पश्चिम रेल्वे
पश्चिम रेल्वेच्या सांताक्रुझ ते माहीम स्थानकादरम्यान सकाळी 10.35 ते दुपारी 3.35 वाजेपर्यंत अप आणि डाऊन मार्गावर ब्लॉक असणार आहे.
परिणाम
- ब्लॉकदरम्यान अप-डाऊन जलद मार्गवरील लोकल अप-डाऊन धीम्या मार्गावर वळविण्यात येणार आहे.
- या दरम्यान काही लोकल फेऱ्या रद्द होतील.
