हिंगणघाट जळीतकांड प्रकरणातील आरोपीला कोणतीही दया माया दाखवली जाणार नाही. आरोपीला लवकरात लवकर शिक्षा होईल, गुन्हा सिद्ध करुन आरोपीला फासावर लटकावण्याचे आश्वासन मुख्यमंत्री उद्धव ठाकरे यांनी दिले आहे.
हिंगणघाट जळीतकांडातील पीडितेचा आज सकाळी उपचारादरम्यान मृत्यू झाला. महाविद्यालयात प्राध्यापक असणाऱ्या तरुणीवर आरोपी विकेश नगराळे याने पेट्रोल टाकून पेटवून दिले होते. मागील सोमवारी ही घटना घडली होती.7 दिवसांपासून पीडितेवर उपचार सुरू होते. डॉक्टरांचे विशेष पथक तरुणीवर उपचार सुरु होते.
मुख्यमंत्री ठाकरे म्हणाले : “आरोपीला कोणताही दया माया दाखवली जाणार नाही. या सगळ्याचा आम्ही पाठपुरावा करु. अनेकदा अशा प्रकरणांची न्यायालयात बराच वेळ सुनावणी सुरु असते. निकाल लागला तरी शिक्षा होण्यास वेळ लागतो. तसं घडू देणार नाही.
आश्वासन : लवकरात लवकर गुन्हा सिद्ध करुन आरोपीला फासावर लटकवू” असेही मुख्यमंत्री उद्धव ठाकरे यांनी म्हटले आहे. अशा पद्धतीचे कृत्य करण्याची हिंमत होणार नाही असा कायदा करु असे आश्वासनही दिले.
