खरेदीची संधी; ‘Samsung’च्या ‘या’ स्मार्टफोनच्या किंमतीत कपात   

स्मार्टफोन बाजारात सध्या दमदार फीचर्स असणारे स्मार्टफोन येत आहेत. स्मार्टफोन बनवणाऱ्या अनेक कंपन्या असल्याने स्पर्धाही वाढल्याचे दिसते. तर या स्पर्धेत टिकून राहण्यासाठी कंपन्या ग्राहकांसाठी जबरदस्त ऑफर्स घेऊन येतात. अशीच जबरदस्त ऑफर लोकप्रिय स्मार्टफोन कंपनी Samsung आपल्या स्मार्टफोनवर 3 हजारांची कपात केली आहे. किंमतीत कपात केलेल्या स्मार्टफोनचे नाव Galaxy A70s असे आहे. काही दिवसांपूर्वी याच स्मार्टफोनच्या किंमतीत कंपनीने बदल केला होता, तर आता किंमतीत कपात करण्यात आली आहे. त्यामुळे ग्राहकांना खरेदीची उत्तम संधी कंपनीने दिली आहे. तसेच या स्मार्टफोनची खरेदी ग्राहकांना Samsung ऑनलाइन स्टोअर, अॅमेझॉन आणि फ्लिपकार्टच्या संकेतस्थळावरून करता येणार आहे.