भारतीय नियमक मंडळाने (BCCI) आज 2019-2020 या हंगामासाठी केलेल्या कराराची यांदी जाहीर केली आहे. पण या यादीत माजी कर्णधार महेंद्र सिंग धोनीला कोठेही स्थान दिलेले नाही. गेल्या हंगामात धोनीला ए क्षेणीमध्ये स्थान दिले होते. मात्र, यंदाच्या हंगामी करारातून BCCI ने धोनीला अप्रत्यक्षपणे निवृत्ती घ्यावी असा इशारा दिला आहे. तसेच यादित ग्रेड ए प्लस मध्ये म्हणजेच सर्वाधिक मानधन मिळणाऱ्या तीन खेळाडूंचा समावेश आहे.
साधारणत: क्रिकेटपटूंना देण्यात येणाऱ्या मानधनाचे ग्रेड ए प्लस, ए, बी, आणि सी असे चार प्रकार आहेत. यात ए प्लस ग्रेड खेळाडूंना 7 कोटी, ए ग्रेडमधील खेळाडूंना 5 कोटी, बी ग्रेड खेळाडूंना 3 कोटी तर सी ग्रेड खेळाडुंना 1 कोटी मानधन दिले जाणार आहे.
The BCCI announces the Annual Player Contracts for Team India (Senior Men) for the period from October 2019 to September 2020.
Saini, Mayank, Shreyas, Washington and Deepak Chahar get annual player contracts.
More details here – https://t.co/84iIn1vs9B #TeamIndia pic.twitter.com/S6ZPq7FBt1
— BCCI (@BCCI) January 16, 2020
BCCI ने जाहीर केलेल्या यादी प्रमाणे ग्रेड ए प्लसमध्ये भारतीय कर्णधार विराट कोहली, हिटमॅन रोहित शर्मा, आणि गोलंदाज जसप्रीत बुमराह या तिघांचा समावेश आहे. तर ए ग्रेडमध्ये आर, अश्विन, रविंद्र जडेजा, चेतेश्वर पुजारी, भुवनेश्वर कुमार, केएल राहुल, शिखर धवन, अजिंक्य रहाणे, मोहम्मद शमी, कुलदीप जाधव, इशांत शर्मा, ऋषभ पंत यांचा समावेश आहे.
दरम्यान, बी ग्रेडमध्ये यजुवेंद्र चहल, हार्दिक पांड्या, वृद्धीमान सहा, मयांक अग्रवाल हे खेळाडू आहेत. तर सी ग्रेडमध्ये केदार जाधव, नवदीप सेनी, दीपक चहर, मनिष पंड्या, हनुमान विहारी, शार्दुल ठाकूर, श्रेयस अय्यर, वॉशिंग्टन सुदर यांचा समावेश आहे.
