आयसीसीने नुकतील कसोटी क्रमावारी यादी जाहीर केली आहे. या यादीत पुन्हा एकदा भारतीय कर्णधार विराट कोहली यांनी बाजी मारत ऑस्टेलियाचा माजी कर्णधार स्टिव्ह स्मिथला त्यांनी मागे टाकले आहे. काही दिवसांपूर्वी बांगलादेश विरूद्ध झालेल्या कसोटी सामन्यात विराटने चांगली कामगिरी केली होती. त्यामुळेच विराटच्या क्रमवारीत सुधारणा झाली आहे.
यामुळे रँकिंग घसरली
आयसीसी कसोटी क्रमवारीत विराट कोहली 928 गुणांसह पहिल्या स्थानावर तर स्टीव्ह स्मिथ 923 गुणांसह दुसऱ्या स्थानावर आहे. पाकिस्तान विरूद्ध कसोटी मालिकेत स्मिथला चांगली कामगिरी करता आली नाही. तसेच ब्रिस्बेन कसोटीत स्मिथने केवळ 4 धावा, तर एडिलेड कसोटीत त्याने 36 धावा केल्या त्यामुळे त्याच्या रँकिंगवर परिणाम झाला आणि तो दुसऱ्या स्थानावर सरकला आहे.
Virat Kohli back to No.1!
David Warner, Marnus Labuschagne and Joe Root make significant gains in the latest @MRFWorldwide ICC Test Rankings for batting.
Full rankings: https://t.co/AIR0KN4yY5 pic.twitter.com/AXBx6UIQkL
— ICC (@ICC) December 4, 2019
स्टिव्ह स्मिथ यांनी इंग्लंडविरूद्धच्या अॅशेस मालिकेत शानदार प्रदर्शन केल्यामुळे तो अव्वल स्थानवर होता. पण ते स्थान आता भारतीय कर्णधार विराट कोहलीने पटकावले आहे.
