‘पीओपी’च्या विश्वात मूर्तिकार शाडूच्या मूर्तीकारांची तिसरी पिढी घडवतोय!

तिसरी पिढी कार्यरत

मुर्तीकार अभय माळवी हे मुळचे विरार पुर्वेच्या जांभुळ पाडा, खानिवडे येथील रहिवासी. वडील पुरुषोत्तम माळवी यांच्या कडुन त्यांनी हा मूर्ती कलेचा वारसा घेत, जवळपास 1980 साला पासून त्यांनी स्वत:हा मातीला आकार देऊन गणेशाच्या सुंदर आणि सुबक अशा मुर्त्या बनवायला सुरवात केली. खर तर शेतीवर त्यांचा उदरनिर्वाह चालतो. मात्र कलेचा वारसा असल्याने ते हा जोडधंदा करतात. गणेशोत्सवाच्या साधारण तिन महिने आधीपासून ते मातीच्या मूर्ती बनवायला सुरवात करतात. दरवर्षी साधारण 80 ते 90 मातीच्या मूर्ती ते बनवतात.शाडुच्या मातीची एक मूर्ती साधारण 2 ते 3 फुटाची मूर्ती बनवायला कमीत कमी 2 दिवसांचा कालावधी लागतो. त्यांच्या या कामात त्यांचा मुलगा आणि मुलगी त्यांना मदत करतात. त्यामुळे आता त्यांची तिसरी पिढी या कलेच्या क्षेत्रात आपले पाय रोवतेय.

पर्यावरण पुरक गणेशोत्सव

अनेक सामाजिक संस्था, सिने अभिनेते पर्यावरण पुरक गणेशोत्सव साजरा करण्यासाठी आवाहन करत असतात. गणेशोत्सव हा नात्यांच्या, संस्कृती जपणारा माणसांना माणसाशी जोडणारा उत्सव आहे. प्लॅस्टर ऑफ पॅरिसच्या अनेक मूर्ती गणेशोत्सवाच्या काही दिवसानंतर अनेक तुटलेले भाग समुद्र किनारी पाहाणे हे खर तर काळजाचा लचका तोडणारे असते. तेव्हा बातमीदारच्या या सदरातुन पर्यावरण पुरक गणेशोत्सव साजरा करण्याच आवाहन आम्ही करु इच्छितो. पुढील सदरात पर्यावरण पुरक आरास कशी साकारावी या विषयी आम्ही सांगणार आहोत. त्यासाठी वाचत राहा बातमीदार…..